Sa pagpapatuloy ng kumpetisyon sa swimming para sa elementarya, namayagpag ang Zamboanga City matapos manguna sa medal tally na may 7 gintong medalya, 1 pilak, at 2 tanso. Hindi naman nagpaiwan ang Dipolog, na may 6 ginto, 2 pilak, at 1 tanso, habang nakasungkit din ng gintong medalya ang Zamboanga del Sur, Isabela, at Pagadian. Bagama’t walang napanalunang ginto, nakapagtala ng medalya ang Zamboanga del Norte. Patuloy na umiinit ang labanan sa pool, at inaasahang mas titindi pa ang kompetisyon bukas para sa kanilang huling araw sa paligsahan.